شعر/عيد حميدة
جف المداد عالورق
والحزن مالينا
لما الحبيب افترق
تاه الكلام فينا
“فاروق”فى دنيا الأدب
بالشعر يروينا
والحرف كان يكتبه
يحييه ويحيينا
لما”الجميلة”بكت
زادت مٱسينا
ماشى ف “طريق النور”
والشعر كان زاده
وف روضة”للأمسية’
رب العباد زاده
شايل هموم الوطن
دايما على اكتافه
وف وسط كل المحن
يوصل لأهدافه
بااكتب كلام عالورق
واحلف بصوت عالى
عمر الفراق ماانكتب
على حبيب غالى
شعر/عيد حميدة
