شعرمختارات

إزاى كده؟!

وبقينا ازاى كده

قاسيين بالشكل ده

ليه تبقى الكلمه طعنه

فى قلوب متسدده

ليه تاه الحِلم بينّا

ليه ضاع الحب مِنّا

ليه بعدنا سِنّه سِنّه

عن سكة ربنا

لاعيش ولاملح صونّا

وازاى على بعض هونّا

ازاى واحنا اللى كُنّا

بنخاف على بعضنا

بنْجَرَّح فى الحبايب

وبنِفْرَح فى المصايب

وحال زمن العجايب

بقى حالنا كُلنا

بِنِمْشي تملى فى الممنوع

وفـــ خلافنا الزعل مشروع

ونِتنَمَّر على الموجوع

من قسوة قلبنا

بنشمت حتى فى الأموات

ونخلق م العدم أزمات

وبنضَيَّع فى جلد الذات

سنين من عُمرنا

سامى النويهى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى