شعرمختارات

جوايا حنين

شعر غنائى/ محمد عبد الجواد

ما تدخلنيش

وياك فى عتاب

وعذاب وفراق

أنا لسه يادوب

فرحان وبدوب

حاضن الأشواق

جوايا حنين

لو عدى سنين

يطرح بساتين

تكفى العشاق

القلب أهو داب

والبعد عذاب

من غيرك

 بأمشى فى أى طريق

وكأنى غريب بين الأغراب

ما كفاية فراق

فرحنى بقربك هنينى

عيشنى معاك أحلى سنينى

دا أنا شايل فرحك لحنينى

والروح بتشوفك تحيينى

وبعادك بيصحى أنيني

ويخلينى على طول مشتاق

اسمعنى مرة وفرحنى

وبلاش فى البعد تجرحنى

لو كنت أنا غلطان فسامحنى

ما أنا ياما سامحتك يا جارحنى

فبلاش بقى ندخل كده فى صراع

فى بدايته عتاب

وفى نصه عذاب

ونهايته فراااااق

خلينا أحباب

عشقك بيدوب بين شرايينى

حلى الأوقات شال أى عذاب

كان جوه الروح وبيكوينى

مطرح ما تروح مبقاش فى جروح

وأنا قلبى كان سكران وأهو فاق

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى