مصطفى صابر كمال على
شاب عنده ٢٢ سنه وحيد امه وأبوه وأخواته ديما بيضحك وجدع وطيب ومش بيحب المشاكل
اتاخد غدر من صاحبه
مصطفى كان قاعد ع القهوة مع أصحابه بعد ما خلص شغله ف جاله بشار قاله تعال معايا ي مصطفى معايا مشوار ف وادي عبادي هوصل حاجة وارجع قاله اشمعني انا ياخي اللى تاخدني مش قادر قاله عارفك جدع وخفيف مروة وهتاجي معايا مش هتقولى لا هما خمس دقائق مش هنطول قاله ماشي يلا بينا ركب مصطفى وياريته ما ركب معاه رايح لقدره ف نص الطريق قاله تعال انت ي مصطفى سوق انا دايخ مش قادر قاله ماشي وساق مصطفى مكان بشار …
لحد هنا ومنعرفش ايه اللى حصل بشار بيغير كلامه مرة يقول طلعو علينا من الزرع وضربونا ومرة الطلقات جات عشوائية من الزرع احنا مش مقصودين وتضارب ف الأقوال
مصطفى يضرب رصاصتين أو تلاتة ف رقبته وبشار ياخدها ف رجله المفروض أنه يرن علي أهله ع الأقل ويقول الحقو مصطفى مضروب بالنار ف رقبته لا رن ع أصحابه وأصحابه يرنو على اخويا و مصطفى يصفي دمه ساعتين ونص لحد ما يجيله الإسعاف وكل دا مبلغوش أهله وصلت الإسعاف ومصطفى بينزف والرصاص يعتبر دابحه دبح مش عارف يقول ايه اللى جراله …
احنا بنطالب الحكومة أنها تجيب حق مصطفى سواء من بشار ولا من اللى هيعترف عليهم بشار ..
لو حق مصطفى مرجعش ي حكومة البلد هتبقي بحر دم ومش هتتلم لو سمحتو جيبو حق مصطفى….
ملحوظة مفيش اي حاجة اتسرقت من التوكتوك….
#هشتاج
#حق_مصطفي_لازم_يرجع
#حق_اخويا_لازم_يرجع
#شهيد_الغدر
