أخبار مصرمختاراتمنوعات

من حكايات بلدنا على الفيسبوك

مهندس في مطعم كوشري

 

إمبارح حبيت آكل كشري فدخلت توم أند بصل مصطفى النحاس ،،،، المهم وجدت إن التربيزة غير نظيفة فندهت على الأخ إللي معايا في الصورة فأول ماجه وبدأ ينضف قال لي نورت مصر يادكتور رمزي قلت له بإستغراب حضرتك تعرفني قال لي بكل تأكيد أنا من متابعينك ومحبيك (أنا إستغرابي إن في مواقف كتير حدثت معي ويتم توقيفي وتقديم أنفسهم سواء طلاب وباحثين وأساتذة وإلتقطنا معا صور ولكن معظمها في المركز القومي للبحوث بالدقي وحوله وأماكن تعليمية أخرى)

لكن حد شغال في الكشري يتابع حد بتاع تعليم واهتمام بالعلم ليه !!؟؟؟ أنا حقيقي كان نفسي أفهم

فأحضر لي الكشري فسألته هو حضرتك إسمك إيه قال لي حسام ربيع طلعت قلت له إيه مجال دراستك ياحسام قال لي أنا خريج 2018 هندسة تعدين وبترول

وعرفت منه إنه من المنيا ،،، من صعيد مصر

سألته وإيه تقديرك يابشمهندس قال لي جيدجدا مع مرتبة الشرف

قلت له دانت ليك ترتيب على الدفعة قال لي من الثلاثة الأوائل على الدفعة ولم يظهر الترتيب بعد

إعجابى بمهندس حسام أجبرني إني أقوم وأطلب منه إني أتصور صورة معاه

وفي نهاية حديثنا قال أكيد ممكن نتقابل تاني يادكتور لكن في ألمانيا بإذن الله

أ.د رمزى عبدالعزيز

أستاذ دكتور وعالم تكنولوجيا النانو بجامعات فنلندا وألمانيا

منشور بالفيسبوك

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى