ثقافة وفنون

قناة الخير…شعر/عيد حميدة

شد القلوع يابطل

وافتح بيبان الخير

بلدك بتفرح يابطل

والبركه في التغيير

راحت ليالى الالم

عشنا ف ضلامها كتير

واهو جه معاد الفرح

يامصر وتقولى

مهما العذاب هيطول

لابد هتنولى

شريان حديد اتولد

والعقد كان لولى

كان عندنا من زمن

وسط الرمال شريان

حفروه جدودنا هنا

قبل الزمان بزمان

ماتوا وعاشت قناتنا

تبهر الأوطان

وف وقت قال البطل

لازم بلادنا تعيش

نحفر قناة تانيه

ويكون قائدها “مميش”

يسعد قلوب شعبنا

وف حضنها هنعيش

وبسرعه كان ابتدا

مشوار الألف ميل

يطوى الرمال والحصى

طول النهار والليل

لايوم يحس بتعب

ولا دمع عينه يسيل

مصر العظيمه بتتولد

من تانى أفراحها

السعد فيها اتوجد

وخلاص مضى نوحها

ياام الشهيد افرحى

ابنك فدا روحها

شعر/ عيد حميدة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى