شعر
عيد حميدة / مصر
افتح لى باب التاريخ
واكتب لى فيه كام سطر
زى النهاردة اتفتح
باب الأمل والفخر
المصرى عبر القناة
حطم بإيده الصخر
خللا العدو المغرور
يشرب مرار القهر
ويدوق هوان الهزيمه
على إيد حبايب مصر
المصرى دايما مقاتل
يشهد عليه الدهر.
ومعاه حروف الكلام
من شعر كان أو نثر
وف ضل راية البلد
ألوان تلاته ونسر
لاعمره داق الهوان
ولايوم شعر بالكسر
عاش البطل منصور
ومعاه كتاب الصبر
ويصونه رب العباد
محروس بنور الفجر
ومعاه ملايكه من السما
من غير دجل أو سحر
رب العباد يحميه
وبحق هذا الشهر
شهر الأمل والخير
شهر العبور والنصر
