شعر – محمد عبد الجواد
يا عم وحد الهك
وادعى تنول الهداية
مالك ده كله مهالك
بعد البداية .. نهااااااية
*******************
الصاحب اللى يصاحبك
عشان فلوسك بلاه
هيخون فى عيشك وملحك
ويرمى ع الناس بلاه
****************
السبع يحمى عرينه
والكلب بيهز ديله
زرعك هيكبر فى طينه
وبكرة هيشد حيله
*******************
الدنيا زى المرايا
تكسرها تدبح وريدك
تجرى وراك بالغواية
وتشل سٍل جريدك
*******************
يا صاحبى غدرك كوينى
سايب فى قلبى علامة
دايما كده بترازينى
والندل ما عليه ملامة
*******************
نظرة عينيك بتداوينى
تسكن آلامى وجروحى
اتوه ولما تلاقينى
شمسك تزود وضوحى
********************
نصاب بنى قصر عالى
طمعان يبيعوا فى مزاد
مهما تطير فى العلالى
اخرك فى حفرة رمااااد
