تأخر نمو اللغه عند الاطفال

كتبت / إسراء محمد

1️⃣امتي اقول ان ابني كده عنده تأخر في اللغه وامتي اقول ده طبيعي أصله لسه صغير؟!
في الحقيقه مفيش حاجه اسمها اقلق من سن كام لأن كل مرحله عمريا ليها ارتفائها في اللغه …بمعني👇
👈الطفل قبل ٦شهور …..ببدء في مرحله المناغاه
👈من ٦شهور لحد ٩شهور ببدء في مرحله الباباه أنه يقول الاصوات الساكنه بب مم دد جج
👈من ٩شهور لحد ١٢شهر الطفل بيكون قادر أنه ينطق اول كلمه ذي بابا….ماما
👈من عمر سنه….بتزيد حصيله كلمات من ١٠/١٥كلمه
👈من عمر سنتين ….بتزيد كلمات من ٢٥٠/٢٠٠كلمه والطفل بيكون قادر كمان يكون جمل من كلمتين( بابا جه )(هات كوره)
👈من عمر ٣ سنين ….بتزيد حصيله كلمات من (٥٠٠٠/٣٠٠٠)كلمه وكمان الطفل بيكون قادر يكون جمله من ٣كلمات
👈من عمر (٦/٥/٤)بتزيد طول الجمله والطفل كمان بيقدر يدخل فيها نحو اللغه يعني بالبلدي كده بيتكلم ذينا بحكي ويرتب احداث
لان اللغه بتكتمل من عمر ٥.٣٠لحد٦سنين
علشان كده بنقول كل مالتدخل كان مبكر ده هيخلينا نقلل حجم المشكله أو التأخر
⬅️ماهي اسباب تاخر نمو اللغه؟!
في أسباب كتير بس انا هقول أهمهم👇
١/الضعف السمعي…هو من اهم اسباب تاخر نمو اللغه لأن حاسه السمع هي الحاسه الاساسيه لاكتساب اللغه
٢/التأخر العقلي…..لو مهارات الطفل الإدراكية مش مناسبه لسنه
٣/الأطفال اللي عندها اضطرابات …ذي اضطراب طيف التوحد
٤/الأطفال اللي عندها فرط حركه أو تشتت انتباه
٥/المتلازمات الوراثيه ….ذي متلازمه داون دائما بيصاخبها تأخر لغه
٦/الحرمان البيئي….هو عباره عن أن الطفل بيكون مش عنده أي مشاكل عضويه تخليه متاخر في اللغه لاكن بسبب إهمال الأهل ليه حصل تأخر ده بمعني
طفل أهمل في أول ٣سنين من عمره قدام الشاشات
او دخلنا ليه اللغه الانجلش قبل ماتكتمل عنده اللغه الام العربي
او إننا عاملين للطفل تكاسل في اللغه بتقدم كل طلباته من نظره عينه أو بالاشاره من غير ما نعمل ليه استفزاز للغه أنه يتكلم
او طفل وخيد مش بينزل حضانه أو يتفاعل مع حد أو اطفال في سنه
3️⃣لو اكتشفت ان طفلي عنده تأخر في اللغه ايه الخطوات اللي المفروض امشي عليها؟!
نقول تاني الطفل اللي عنده تأخر في النطق بيكون محتاج مساعده وتدخل لعلاج المشكله
-تاخر النطق عند الاطفال بياخر مهارات تانيه كتير
*ضعف في مهاراته الادراكيه
*بياثر علي تفاعله الاجتماعي
*وانخفاض مستوي الدراسي
هااعمل ايه لو اكتشفت أن ابني متأخر لغويا ؟!🤔
-اول نقطه لازم الطفل ينزل حضانه علشان يكتسب تفاعل من الأطفال
-يتعمل( اختبار لغه )لو كان عنده محصول لغوي من كلمات
-لازم يروح لحد مختص ويشتغل جلسات تخاطب حسب العدد اللي هيحدده الاخصائي
-لازم ماما تعرف الاخصائي بيطبق الهدف اذاي علشان تعرف تطبقه بنفس الطريقه ،👌مشاركه الاسره مع الاخصائي عامل أساسي في سرعه تطور الطفل
-ممنوع اي اجهزه أو شاشات للطفل
-لازم ماما وبابا والافراد المحيطه بالطفل يتكلموا معاه كتير عن كل حاجه محيطه حواليا
شايف العربيه صوتها بيبيب لونها احمر مين بيسوقها ؟
هات موز …..لونه اصفر …وهكذا
-لازم الطفل ينفذ أوامر كتير واتاكد أنه فهمها
هات الريموت…شيل لعبك …اطلع بره ….افتح بابا.
-لازم اعمل استفزاز للغه طالما اتاكدت أن الطفل بيعرف ينطق كلمات معينه يبقي مش استجيب للااشاره لازم ينطقها
الطفل بيشاور علي كوره 👈 كوره وانا فاهمه قصده …..لاكن اقوله مش فاهمه عايز ايه ؟!واضغط عليه لحد ما يطلب طلبه لفظيا

⬅️ماهي العوامل اللي بتودي لااكتساب الله؟
١/سلامه السمع
٢/سلامه المخ والجهاز العصبي المركزي (مراكز اللغه)
٣/القدره العقليه السليمه
٤/البيئه المحيطه …البيئة لازم تكون ثريه ومحفزه

⬅️بنشوف اطفال كتير مش عندهم أي مشاكل عضويه لاكن بيكون عندهم تأخر اللغه ياتري ايه السبب ؟!
ذي ماقولنا قبل كده أن في سبب من اسباب تاخر نمو اللغه عند الاطفال وهو سبب خطير جدا الحرمان البيئي بمعني
*طفل وحيد أو اصغر طفل وأخواته كبار محدش بيتكلم معاه مش بينزل حضانه مش بيتفاعل مع اطفال في سنه
*طفل بيقعد فترات طويله علي الشاشات ده خطر جدا يعني طفل بيفضل يستقبل وبس بيسمع وبس مش بيدي استجابه أو رد
*كمان لو الاسره عامله تكاسل للغه يعني ماما بتقدم كل حاجه للطفل من غير مايطلب حسيت أنه جعان قدمت ليه الاكل حسيت أنه عايزه الكوره راحت اديته من غير حتي مايطلب بالاشاره أو لفظي

⬅️هل الطفل اللي بيكون عنده مشاكل في تاخر اللغه بيكون عنده مشاكل تانيه؟!
مشكلة تاخر النطق عند الأطفال مش بس بتأخر نطقه ولكن للأسف بتأخر معاها مهارات كتير زي ا
لتفاعل الأجتماعي وضعف الأدراك والتركيز
وزيادة التشتت
وضعف التحصيل الأكاديمي
وانخفاض المستوي الدراسي
الطفل الذي يعاني من تأخر النطق بيكون محتاج مساعده
وتدخل لعلاج المشكله

⬅️كتير من الأهالي بتفرح أنها تدخل الغه التانيه بدري للاولاد الانجلش مثلا هل ده صح؟
في الحقيقه لا طبعا لو الطفل ماكتملتش عنده اللغه الام اللي هي العربي بما أنه طفل مصري يبقي مينفعش ليه بقي ده كده هيسبب للطفل اضطراب لغه هيبقي مش عارف يقولها عربي انجلش فاهطلع مشوها جدا كمان الطفل بيستسهل الانجلش علشان مفيهوش حروف ثقيله ذي العربي غ والخ كمان لما الطفل بيكون في مرحله تكوين جمله هيكونها اذاي هو آخره عارف المفردات بس

⬅️تأثير التعرض للشاشات والاجهزة اللوحيه كالتابلت والموبايل علي الاطفال ⚠️

👈مشكلات سلوكية : الأطفال الذين يقضون أكثر من ساعتين يوميًا أمام الشاشات أكثر عرضة لنوبات الغضب والانفعال والعدوانيه ، كذلك البرامج والعاب الفيديو العنيفة تجعل الأطفال يستخدمون العنف لحل أي مشكلة تواجههم فيما بعد تقليدًا لما يرونه.

👈مشكلات اجتماعية : خللً في التفاعل الاجتماعي، و يصبح طفلك غير قادر على فهم واستيعاب الإشارات غير اللفظية، والتي تشمل كلًا من تعابير الوجه، ونبرة الصوت، والتواصل البصري.

👈مشكلات بصرية مثل إجهاد العين ، جفاف العيون وتهيجها ، قصر النظر .

👈مشكلات الوزن أو السمنة المفرطة

👈مشكلات جسدية : الانحناء على الهواتف الذكيه فترة طويلة من الوقت ربما يؤثر في نمو العمود الفقري لطفلك وأيضا آلام الظهر والرقبة والكتف أو الصداع.

👈مشكلات النوم : ينبعث ضوء أزرق من الشاشات، ويفسر جسد طفلك هذا الضوء على أنه ضوء النهار، فيرسل المخ إشارات إلى الجسم ليبقى مستيقظًا حتى بعد إيقاف تشغيلها

👈 تأخر نمو الطفل وتطور مهاراته وقدراته!

👈مشكلات تعليمية : ضعف أداء الطفل في الواجبات والاختبارات

👈مشكلات نفسية : انخفاض مستويات السعادة لدى طفلك.
الشعور بالوحدة والاكتئاب والقلق وتشتت الانتباه

كيف يمكن التحكم في ذلك ❓❓

*تخصيص ساعه او ساعتين يوميا فقط للشاشات
*عدم مشاهدة التلفاز وقت تناول الطعام.
*تجنب وضع الشاشات في غرف النوم.
*قضاء ليلة دون الشاشات مرة واحدة على الأقل أسبوعيًا.
*جعل وقت مشاهدة الشاشات مكافأة إذا أنهى طفلك كتابًا أو لعب خارج المنزل مع أصدقائه مدة ساعة (استخدام اسلوب الثواب والعقاب) .
*اقتراح القيام بأنشطة أخرى، مثل: ألعاب الطاولة أو المكعبات أو حل الألغاز أو الذهاب في نزهة عائلية.

ما حدود استخدام الأجهزة الإلكترونية للاطفال❓

ينبغي تجنب الشاشات تماما للأطفال اقل من سنتين ، وعدم السماح للأطفال الأكبر بأكثر من ساعة إلى ساعتين فقط يوميً