شعر / محمد عبد الجواد
يا أم الرمال الدهب
والبحر من فيروز
زارعك فى قلبى خطب
والعشق شئ بيجوز
والنخل يا ما شرب
من دمنا المعزوز
نبدأ من القنطرة
وتبدى الرحلة
يا طرحة متعطرة
واللون بقى زيتونى
وفى قلب بير العبد
أخواتى رافقونى
ومن العريش الخوخ
فاح العبير كله
وقبائل العربان
فردوا الجناح هلو
ع الصحرا والوديان
فطرح لهم ضلوا
شهد وعنب مع تين
فى سدر وأبو رديس
الخير هناك بيزيد
والطور بقى جوهرة
بالسحر متعطرة
وفى شرم كل الناس
متوحدين ع البحر
ارض السلام وحدها
ملكت ربيع السحر
ودهب واديها عجب
ومزيناه بالفخر
كاترين جبالها شموخ
وديرها أيقونة
واصلة لأخر الدهر
وادى مقدس طوى
فيه السكون والصبر
وموسى ربه ناداه
والعجل نقشه الصخر
نويبع ميناء السفر
حاضنة الجبل والبحر
وطابا من سحرها
فاح الزمان بالعطر
قلعة صلاح الدين
يا شامخة جوا البحر
فاتت سنين وسنين
واحنا فى ربيع العمر
الحسنة وسط الجبال
مال البلح بالنخل
ونخل طريقها عجب
مرسوم عليه الصبر
يا ارضنا الفيروز
وجمالها بيحير
البيض كمان والسمر
وسط المزارع باح
لينا الزمان بالسر
