ثقافة وفنونشعرمنوعات

ح تصدقينى … قصيدة للشاعر سامي النويهي

الشاعر سامي النويهي

حَـــــــــــــــــــ تصدقينى ان قُلتلِك
بتــــــــــــــــــــــوحشينى اشتقتلِك
فى البُعد سيرتِــــــــــــــــك سَلوتى
وفـْـــــــــــــــــــ كل لحظَه بَحِنْ لِك

أنـــا فين مااروح انتى معايــــــــــــا
إنتى الهوى وانتى هوايــــــــــــــــــا
أنـــــــــــــــــا اللى لــو فَتِشوا قلبى
ح يلاقوا صورتِك جوايـــــــــــــــــــا

مين اللى مِنِّكْ حَ يــــــــــــــاخُدْنى
وانت اللى مرسومَـــه فْـــــــ حُضْنى
ولا بُعد خَــــــــــــــــــــلاَّنى نسيتِك
ولاغُربَـــــــــــــــــــه قِدْرِتْ تبعدنى

فى مسايـــــــــــــا فاكرك وصباحى
أنــــــا بيكى بحلم وأنــــــــا صاحى
واتمنى اشوفك لـــــــــــــــــــو ليله
واسهر فــــــــــــى حضنك صَبّاحى

عندى فــــــــــــى حُبِّكْ 100عَرَضْ
ومـــــــــــاليش فى حُبِّكْ مِنْ غَرَضْ
وان قـــالوا انـــــــــــا بْحُبِّكْ مَريضْ
أنـــــــــا راضى اكون صاحِبْ مَرَضْ

سامى النويهى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى