هِز راسك قول تمام
وامضى واُبصُم ع الكلام
إوعى تنسى انك مَطيَّه
وهو فى ايديه اللجام
طاطى طاطى عشان تِقب
قول لُه إردَح قول لُه سِب
قول لُه صادق وانت عارف
إن كُل كـــــــــــــلامُه كِدب
وابقى طول الوقت طَبِّل
قول ياعينى إن شوفتُه هَبِّل
حتى لو بالصدفه سَبَّك
إبتسم بعنيك وسَبِّل
واما يدخُل ع الماميز
إرمى ودْنَك كاالمعيز
بُكره يجى الدور على امك
ماانت عارفُه مالوش عزيز
طول مافيها خير وعائِد
كُل على كُل الموائِد
هو إيه وجه المقارنه
بين خسايرك والفوائِد
سامى النويهى
