يامصر يــــــــاامُ الجَمالْ
مُشتاق أنـــــــــــــا ليكى
والشوق يِفــــوق الخَيالْ
لِكُل شيئ فيكـــــــــــــى
مُشتاق وطـــــال الشوق
فى البُعد انـــــــا مخنوق
عــاشقِك مفيش مخلوق
يمنعنى اعيش ليكـــــــى
مُشتاق والشوق غــالبنى
مش عايز يـــــوم يسيبنى
أبعد حُبِــــــــــك يجيبنى
مَحْنى على ايديكـــــــــى
مُشتاق أحضُن هَواكــــى
أسهَر فى الليل معاكــــى
وف ضَى نجوم سماكـــى
أحضُن لياليكـــــــــــــــى
مُشتاق اشوف بَــــــدرِك
وارتـــــــــاح على صدرك
أسمَع آدان فَجْـــــــــــرِك
واتوضَى فـــــــــى عنيكى
فى القُرب فى التِرْحـــــال
مِتْرَبَعَهْ عَ البــــــــــــــــال
وفـــــــــــــ كافِة الأحـوال
أنــــــــــــــــا بَفْتِخِرْ بيكى
سامى النويهى
