شعر / محمد عبد الجواد
عيونك.. مركبين عايمين
فى بحر الشوق علي شراعى
وقلبى عاش فراق وحنين
وفرحك داب فى اوجاعى
عيونك يبقوا سيف بتار
بيقتلنى وبرضو الرمش كان جارج
يقربنى ويبعدنى فى ليل ونهار
وياخدنى لشوق بكرة من امبارح
عيونك.. بحر موجه غريق
وانا فى العشق مش شاطر
بيجرحنى ويديحنى وهو برئ
وانا ع البعد مش قادر
عيونك فيها سحر غريب
وسهم القلب شئ تانى
وجرح الحب امتى يطيب
وانا ع الهجر مش ناوى
عيونك.. فيها افراحى
وطعم الحب شئ تانى
وانا اللى عشت طول العمر
باحضن وحدى احزانى
عيونك دول ربيع طايف
وجواهم امان خايف
وانا غرقان فى بحر الشوق
ومين ينجدنى مش عارف
